За нас

31

Години на искуство и креативност

За АРС-ИНЖЕНЕРИНГ

Ја градиме довербата, не само објектите

Можеш да дизајнираш, создадеш и изградиш најубаво место на светот. Но потребни се луѓе за сонот да стане реалност.
Волт Дизни

Повеќе од 30 години сме посветени на проектирање, надзор, ревизија и изведба на квалитетни објекти. Нашата сила е во професионалниот тим кој ги следи најновите трендови, се прилагодува на локалните услови и секогаш работи со фокус на квалитет, стабилност и енергоефикасност. Ние не градиме само конструкции – градиме партнерства и ја претвораме вашата визија во реалност.

Ви стоиме на располагање – заедно да ги реализираме вашите соништа.

Проектирање, надзор, ревизија, консалтинг, енергетска ефикасност и инвестирање во недвижности се дел од секојдневните активности на тимот на „АРС-ИНЖЕНЕРИНГ“.

Преку нашите проекти и реализирани објекти се врежуваме во историјата, а истовремено учествуваме во градењето на иднината. Со задоволство би сакале и вие да станете дел од нашите клиенти и соработници.

Задоволство ни е што можеме, барем за миг, да бидеме дел од вашето опкружување и ваши домаќини при посетата на нашиот портал. На овој начин ја користиме можноста да ја претставиме работата на „АРС-ИНЖЕНЕРИНГ“, а воедно и да ја оправдаме довербата на нашите бројни клиенти и деловни партнери.

Друштвото за градежништво „АРС-ИНЖЕНЕРИНГ“ е основано во 1994 година и во текот на сите овие години успеа да опстои на македонскиот пазар и да ги надмине сите превирања, кризи и реформи.

Основната движечка сила за нашиот опстанок и развој е неизмерната посветеност, професионализам и љубов кон работата. Нашиот тим постојано се стреми да биде во чекор со најновите светски трендови, прилагодувајќи се на условите на нашиот пазар. Работиме тимски, професионално и безрезервно. Се стремиме кон повисоки достигнувања и секојдневни предизвици, вложувајќи постојано во знаење и усовршување.

Ви благодариме однапред,

Иван Алексовски, управител

ИСТОРИЈА

од 1994 до денес

НИЗ ИСТОРИЈАТА

Основање на
АРС-ИНЖЕНЕРИНГ

Друштво за градежништво, производство, трговија и услуги „АРС-ИНЖЕНЕРИНГ“ дооел експорт-импорт Куманово е основано во 1994 година од страна на Радомир Алексовски
(1954-2021).
Станува збор за семеен бизнис со кој денес посветено и во склад со традицијата, пред се со негување на семејни вредности и деловна дисциплина, раководи втората генерација.

Градежни активности и раст

Во период од 1994 до 2001 година „АРС-ИНЖЕНЕРИНГ“ првенствено се занимаваше со изведување на градежни работи (изградба, доградба, надградба, реконструкција и одржување на објекти од високо и ниско градба). Во тој период друштвото го сочинуваа 70 вработени лица - инженери, економисти, правници, техничари, хигиеничари, возачи, општи работници.

Реформи и современ раст

Од 2001 година „АРС-ИНЖЕНЕРИНГ“ спроведе големи реформи и целосна реорганизација. Со следење на пазарните трендови се формираа помали компании од различни области, со кои фирмата соработува. Дел од поранешните вработени основаа сопствени фирми чии услуги „АРС-ИНЖЕНЕРИНГ“ сè уште ги користи. Иако бројот на вработени се намали, квалитетот на услугите значително се подобри. Денес компанијата располага со високообразован и стручен кадар.

АРС-ИНЖЕНЕРИНГ денес

Работењето на „АРС-ИНЖЕНЕРИНГ“ е целосно усогласено со законската регулатива. Компанијата поседува лиценци за работа во повеќе инженерски области: проектирање, надзор, ревизија и енергетска ефикасност. Стручниот тим има реализирано илјадници договори во сите овие сегменти на градежништвото. Една од водечките дејности денес е инвестирање и соинвестирање при изградба на објекти од високоградба, со фокус на квалитет, ефикасност и современи стандарди.

УСЛУГИ

ПРИСТАП